Në vizitën e tij të parë jashtë Kosovës, Ministri i Drejtësisë së Kosovës, Abelard Tahiri, qëndroi në komunën e Bujanocit.

Në takim me kryetarin e Bujanocit, Shaip Kamberi, u diskutua për situatën aktuale politike në Luginë të Preshevës, nevojën e angazhimit në aspektin e përkrahjeve politike dhe projekteve konkrete të Qeverisë së Kosovës, domosdoshmërinë e diskutimit të drejtave të shqiptarëve edhe në nivel të Seancës së dy Qeverive (Prishtinë, Tiranë), sidomos në dialogun e ardhshëm të Brukselit.

Në pyetjen e gazetarëve drejtuar ministrit Tahiri, lidhur me pajisjen me Shtetësi të Kosovës, për qytetarët e shpërngulur në Kosovë, nuk u dha një sqarim pasi që ministri tha se, do të shohim që brenda Kushtetutës të gjejnë mundësin për pajisjen e qytetarëve të Luginës me dokumente të Kosovës.

Të drejtat e shqiptarëve do duhej të shtrohen si çështje edhe në dialogun e ardhshëm të Brukselit.

Ministri Tahiri shprehi gatishmërinë e tij personale dhe të Qeverisë aktuale të Kosovës, që të përkrahen nevojat e shqiptarëve nga Lugina e Preshevës dhe të ndërtohet një kanal i përditshëm i komunikimit me autoritetet lokale të këtyre komunave të dalura nga zgjedhjet dhe vota e drejtpërdrejtë e qytetarëve.

Tahiri takoj edhe përfaqësuesit politik nga Bujanoci ku biseduan për problemet politike dhe problemet e qytetarëve shqiptarë në Luginën e Preshevës.

Ministri Tahiri vizitoi edhe Këshillin Nacional shqiptarë dhe takoi përfaqësuesit e partive politike shqiptare të cilat veprojnë në Bujanoc.

Ministri Tahiri me këtë rast vizitoi edhe një familje shqiptare, pasuria e së cilës janë 4 fëmijët e tyre, si shenjë e inkurajimit të qëndrimit të shqiptarëve për të vazhduar të jetojnë dhe veprojnë në Luginë të Preshevës.